2009年3月29日 星期日

ESD 留言版事件

點解 "A 級選擇 - Mr Ray Chui" 個 Topic 被人 deleted ? 這是原來的連結: http://comtools.esdlife.com/wedding_forum/viewtopic.php?t=143564
我是Ray Chui ,一直也非常多謝新人們在這裡真誠的分享!我認為留言版是讓新人分享真實見証的地方。所以我過去一直很少在這裡發言,避免別人認為我在這裡賣廣告。我也從來沒有在這裡"造馬",所有留言也是新人們真誠的分享! 對於"A 級選擇 - Mr Ray Chui" 個 Topic 被人 deleted 咗,我希望版面管理員能查明原因,當中是否有什麼誤會? 請記著我的ip 及身份,保証所有留言也是新人的真實見証及分享! 我不希望過去客人(新人們)幾佰個留言的真誠分享石沉大海! 新人們可透過電郵或留言向版面管理員証明你們的身份,証明所有留言也是新人的真實見証及分享! 謝謝大家! 請求版面管理員能跟進!謝謝!

留言板管理員 寫到:
raychui, 我們接獲會員舉報, 指該主題由高度疑似商戶開設, 經審查後我們方執行"移除"
.

我的回應:
留言板管理員 請你認真審查清楚,該主題是我過去的客人開設,當中所有留言也是真實分享,你不能在沒有任何証據,便指該主題由高度疑似商戶開設,移除幾佰個客人真實分享。若証實該主題是真實客人的分享,請尊重各位新人的意願,並表示留言板管理員的處事認真,請重新開放該主題。

manting & Fontane 兩姊妹留言:

我家姐係 manting, 係之前 "A級選擇 - Ray Chui" 個發起人, 頭先佢想0係度開句聲、聲援一下, 點知一 login 就見到呢句說話: 您已被停止會員資格 請跟版面管理員, 群組管理員或是系統管理員聯絡詢問相關資訊 實在令本來都 "慶慶地" 0既我地慶上加慶, 有無搞錯呀!! 2 姊妹幫襯同一個攝影師, 然後覺得有好0野想同大家分享就有錯咩??? 咁就唔係真正用家?? 請問版面管理員你地憑咩覺得我地造馬?? 你地連搵到同一個 ip 有幾個不同 a/c 0係同一個 topic 留言的證據都無, 憑咩 delete 晒整個百幾頁0既 thread??? 好過份, 呢個係關乎我地兩姊妹人格0既問題, 極需要正視!!! 唔該你地 admim d 人 調查清楚我地兩姊妹係咪真實客戶、先至 action 清場啦!!! 有真憑實據就拎出0黎, 唔好用 "疑似" 商戶呢個荒天下之大謬0黎敷衍了事!! 我地兩姊妹加埋有成十幾本 ray chui 影0既相簿 + dvd 呀, 使唔使約個時間出0黎 show 晒俾你地睇, 再叫晒所有親朋戚友企出0黎証明我地 2 個結婚擺酒時真係俾錢請左阿 ray & crew 0黎影相, 你地先信呀?? 係0既話你地即管 pm 我, 我樂意奉陪!! 如果版面管理員仍然唔信我地係真正客人, 可以睇番我地個 blog, 入面除左我地婚禮 d 相, 仲有其實生活記錄, 本來我都唔想0係度公開我0既私人 blog, 但為左証明我同我家姐0既人格同誠信, 仲有係要撐阿 ray, 私隱呢 d 一切都拋諸腦後, 只務求取回公道
Mandy (manting / 家姐):
http://hk.myblog.yahoo.com/jw!9YbzQvOfERk3nabANjmCfH69/index?l=f&id=20
Fontane (細妹):
http://hk.myblog.yahoo.com/fontanechu/article?mid=2132
希望 esdlife 重新審核原有 topic 內容, 徹底調查, 真相大白後敬請重開原有 topic, 萬二分感謝!!!!
manting & Fontane 27.3.2009

我的留言:
真係唔知版面管理員做什麼?話個Topic 係疑似商戶開,但而家比足証據大家睇,Topic 係 manting (我兩年多前的客人) 開來同大家分享! 連manting 的帳號都比人 delete?佢地究竟識唔識分誰是真正用家? 現在有証有據,証明個Topic 並不是商戶開,而當中也包括許多真正用家的真實分享! 版面管理員仍然唔開返個Topic,根本無正視自己的錯,明明是有証有據,他就有錯唔理,錯了便算!這種態度是什麼? 一個公開的分享空間,還有公理嗎?ESD 的高層用什麼條件聘用這些所謂版面管理員?他們是義工?還是月薪?為何質數是這麼強差人意? ESD 的高層請正視問題,不要逃避!

08年11月16日的client:
睇左之後真係唔可以唔出聲! 我係ah Ray既client, 之前係manting介紹我給的. Manting係我既yahoo blog 友, 我並唔係係呢個ESD forum認識佢. 所以我好肯定manting不是"商戶"或"做妹". 我100%滿意ah Ray係服務, 相靚, 人好, 服務態度好又認真. 我婚後亦有介紹朋友用他, 不過不是通過呢個forum. 坦白講, 我婚後都無係呢度介紹ah Ray比其他人. 只係off-line介紹比D好朋友. 但forum admin咁樣做實在太過份. 唔信你可以check番我D留言. ah Ray, 我係你2008 11 16既client. 唔洗擔心, 有"射"自然香,我相信有好多你以前既client會出post支持你, 反而可以幚你賣廣告。


留言板管理員 寫到:
各位會員, 就raychui這事件, 我們收到很多反映, 首先謝謝大家的提供! 經內部再次審查過, 我們相信當中的確有用家的真實分享, 但這個主題的某些留言, 又確實存在由嫌疑性相當高的商戶張貼的可能性. 由於開主題的manting證實她是真正用家, 所以我們已解除鎖定manting的會員戶口. 日內我們已在相同版面上發現有新會員建立了另一內容雷同的新主題: Ray Chui ~ 令我喜出望外
http://comtools.esdlife.com/wedding_forum/viewtopic.php?t=179524
我們會繼續觀察有關主題, 現階段不會阻撓會員在此主題上作出真實分享, 大家可以放心! 留言板管理員

我的回應:
留言板管理員: 既然已證實manting她是真正用家,為何不放開該主題,你說這個主題的某些留言, 又確實存在由嫌疑性相當高的商戶張貼的可能性.請列出證據指明是那一段留言,我也可證實她們是真正用家,因為我從來沒有造馬,所有留言也是真實用家,你不可删除這麼多真正用家分享!關於"Ray Chui ~ 令我喜出望外" 的主題是不能代替舊主題內真正用家的分享。 請留言板管理員重新開放"A 級選擇 - Mr. Ray Chui"版出o黎俾我們!

其實事情發展到如今,實在有點失望,ESD 的留言板管理員明知自己錯了,只作有限度回應,毫無責任可言。
希望過去曾在ESD 留言給我的新人,可以在這裡:

Ray Chui ~ 令我喜出望外
http://comtools.esdlife.com/wedding_forum/viewtopic.php?t=179524

留言支持一下! 讓大家知道所有留言也是真實的分享!
另一方面,看見這麽多人支持我!內心很感動!多謝大家!

7 則留言:

ah Fu 提到...

唔好唔開心,我實撐你!

Lawrencetsang.com 提到...

Ray:世事總不會盡如人意,一失必有一得,不如就靜下來,繼續努力工作,總有一天,回過頭來,你便會明白,今天的失,原來是有原因的,你總會在當中找到其它的,作也是信主的,應相信在神凡事非偶然,你給人除了個topic,總好過有人開過topic,天天唱你,之後又有其它無聊行家加入唱你好,你也知我當年也被人唱過,我不是也活到今天嗎?有些事看為好,失去了;其實也沒甚麼,有些事看為不好,但到頭來,你會明白當中種種。

一杯水,倒入一些沙,你總不能一下子分開它們,時間過了,沙總會自己沉底,不用愁,總會過,這是我的個人哲學!幾好的,總會過,再差的;也總會過!hehe,有事找我啦!

Ray Chui 提到...

羅記,多謝你!認識你是我的福氣!
如你說:世事總不會盡如人意!這是我人生的學習!
我相信繼續努力!不斷求進步!一定能得到更多人的認同!你是我的目標!大家繼續努力!

匿名 提到...

Ray:有失必有得.我相信你會得的更多.始終做得好就自然會有人搵你.有人幫你.
總之想想你的客人快樂和滿足的笑容,我相信會有更多你的topic.還有.更多有心人會找你架
你準備好未呢?^^
大頭妹

匿名 提到...

無錯, 客人的喜悅及對你的認同是不會被那delete左既topic帶走的. 繼續努力!

匿名 提到...

係esdlife俾人delete好似唔只你一個...好多平時有百幾頁回應嘅攝影師and team都好似唔見咗咁!
so...你唔好唔開心呀!

Tonytsui 提到...

明白你的感受.
如果件事發生在我身上 ,我都會好惱.
不過都不好不開心啦 ! 你的努力大家都有目共暏.咁多人撐你 ,晒咩驚啊